Пятницкая Ольга Васильевна, — шкулта ачасене вырӑс чӗлхипе вӗрентнӗ педагог. 1913 ҫулхи утӑ уйӑхӗн 11-мӗшӗнче Етӗрне уесӗнчи Чаканар ялӗнче (халь Етӗрне районӗ) ҫуралнӑ. 2000 ҫулхи утӑ уйӑхӗн 7-мӗшӗнче вилнӗ.

Пурнӑҫӗ

Удмурти АССРӗнчи Сарапул педагогика техникумӗнче, И.Я. Яковлев ячӗллӗ Чӑваш патшалӑх институтӗнче (халь университет) пӗлӳ илнӗ.

1933–1971 ҫулсенче Тӑвай вӑтам шкулӗнче ачасене вырӑс чӗлхипе литературине вӗрентнӗ.

Хисепленисем

«Хисеп палли» ордена тивӗҫнӗ.